Gweithiwr Cymdeithasol - Cardiff, United Kingdom - Cardiff Council

Cardiff Council

Verified Company

Cardiff, United Kingdom

2 weeks ago

Posted by:

Tom O´Connor

beBee Recruiter

Description

**Am Y Gwasanaeth**
Mae Caerdydd yn elwa o fod yn brifddinas Cymru, gan gynnig cyfle i weithwyr cymdeithasol weithio gyda phoblogaeth hynod amrywiol gydag amrywiaeth o anghenion gofal a chymorth. Fel yr awdurdod lleol mwyaf yng Nghymru rydym yn cefnogi bron i 5000 o unigolion i fyw'n dda, gan gynnig strwythur cymorth sy'n canolbwyntio ar yr unigolyn iddynt i sicrhau eu bod yn gallu diwallu eu hanghenion a'u canlyniadau eu hunain.
- Mae ein Gwasanaethau Cymorth Arbenigol ac Iechyd Meddwl yn cefnogi amrywiaeth o unigolion sy'n profi anawsterau iechyd meddwl, problemau gyda chyffuriau ac alcohol, a digartrefedd._ Mae'r timau'n gweithio gyda phartneriaid gan gynnwys Bwrdd Iechyd Prifysgol Caerdydd a'r Fro (BIPCaF) a sefydliadau yn y trydydd sector i ddarparu gwasanaethau i unigolion a theuluoedd i'w helpu gyda'r heriau y maen nhw'n eu profi a rhoi cymorth parhaus pan fo angen hynny.

Mae'r timau o fewn ein gwasanaeth yn cynnwys:
Tîm Iechyd Meddwl Cymunedol (TIMC)
- Gwasanaethau Iechyd Meddwl i Bobl Hŷn (GIMBH)
- Tîm Dyletswydd Argyfwng
- Tîm Trefniadau Diogelu Rhag Colli Rhyddid
- Tîm Fforensig
- Y Tîm Niwroseiciatreg
- Tîm Alcohol a Chyffuriau Caerdydd/ Tîm Gwaith Cymdeithasol Canol y Ddinas, Gwasanaeth Pontio/ Tîm Niwroamrywiol
- Tîm Dydd Tŷ Canna

**Am Y Swydd**
Mae cyfle cyffrous wedi codi i ymuno â Thîm Gwaith Cymdeithasol Gwasanaethau Oedolion Caerdydd.

Swydd Uwch Weithiwr Cymdeithasol yw'r swydd am 18.5 awr yr wythnos.

Mae prifddinas fywiog Cymru yn cynnig cyfle i chi weithio o fewn y gymuned fwyaf ei phoblogaeth a'i hamrywiaeth yng Nghymru. Mae ein timau Gwasanaethau Oedolion yn cefnogi dros 5000 o unigolion ac yn cynnig ystod eang o gyfleoedd proffesiynol i weithwyr cymdeithasol newydd gymhwyso a phrofiadol.

Byddwch yn ymuno â thîm sy'n arbenigo mewn cefnogi pobl hŷn ac unigolion ag anableddau corfforol ac sydd wedi ymrwymo i waith cymdeithasol ataliol sy'n seiliedig ar gryfderau, gan gefnogi pobl i fyw bywydau llawn ac i aros mor annibynnol â phosibl.

Fel Gweithiwr Cymdeithasol Caerdydd, bydd gennych fynediad at ystod gynhwysfawr o adnoddau a chymorth i barhau â'ch datblygiad proffesiynol ac i'ch helpu i fod y gweithiwr cymdeithasol gorau posibl.

Rydym yn cymryd lles ein staff o ddifrif ac rydym yn ymdrechu i ddarparu trefniadau gweithio cadarnhaol sy'n cefnogi ein gweithlu i deimlo eu bod yn cael eu parchu a'u gwerthfawrogi.

Mae Cyngor Caerdydd hefyd yn cynnig buddion gwych i staff, gan gynnwys:
Gwyliau blynyddol hael yn dechrau ar 27 diwrnod y flwyddyn i uchafswm o 32 diwrnod y flwyddyn ar ôl 5 mlynedd gydag opsiwn i brynu gwyliau blynyddol ychwanegol o hyd at 10 diwrnod.
- Yn weithredol o 1 Ebrill 2023, mae'r rôl hon yn cynnig Taliad Atodol ar Sail y Farchnad o £3,000 (cyfwerth ag amser llawn). Adolygir y taliad hwn bob 12 mis.
- Mae ein diwylliant gwaith yn hyblyg, gyda chynllun hyblyg yn eich galluogi i weithio i amserlen sy'n addas i chi, gan gynnwys mynediad at safleoedd swyddfa ledled y ddinas.
- Mynediad at Gronfa Bensiwn Caerdydd a Bro Morgannwgsy'n rhan o'r Cynllun Pensiwn Llywodraeth Leol (CPLlL), sy'n cynnig cynllun pensiwn diogel, hyblyg, dibynadwy sy'n rhoi tawelwch meddwl.
- Cyfleoedd hyfforddiant a datblygu
- Cymorth a gynigir drwy fentoriaeth gyda chymorth gan uwch reolwyr

**Beth Rydym Ei Eisiau Gennych**
(I gael rhagor o wybodaeth am weithio fel gweithiwr cymdeithasol yng Nghaerdydd, edrychwch ar ein Gwefan Gwaith Cymdeithasol lle gallwch ddarllen mwy am yr hyn y gallwch ddisgwyl gweithio i Gaerdydd a mwy am yr hyn sydd gennym i'w gynnig: Hafan - Gwaith Cymdeithasol Caerdydd : Gwaith Cymdeithasol Caerdydd)

Rydym yn chwilio am Weithwyr Cymdeithasol cymwys yn gynnar yn eich gyrfa ac yn awyddus i gael profiad pellach o fewn Cyngor Caerdydd. Fel yr ymgeisydd llwyddiannus, byddwch yn gallu gweithio'n annibynnol a rheoli eich amser. Bydd angen i chi allu dangos sgiliau asesu ardderchog a gallu ysgrifennu cofnodion ac adroddiadau cryno. Byddwch yn weithiwr tîm da ac yn meddu ar sgiliau cyfathrebu a threfnu rhagorol, yn ogystal â sgiliau TG. Rhaid i chi gael gradd mewn Gwaith Cymdeithasol a bod wedi'ch cofrestru gyda Gofal Cymdeithasol Cymru.

Byddwch yn cael eich cefnogi gan weithiwr cymdeithasol profiadol a fydd yn cynnig mentoriaeth ac arweiniad ar eich achosion a bydd yn cefnogi eich datblygiad gyrfa o fewn y tîm.

Bydd gennych ymrwymiad i gefnogi pobl hŷn a'r rhai ag anableddau corfforol ac i weithio mewn ffordd sy'n seiliedig ar gryfder, ataliol, gan ddarparu'r cymorth sydd ei angen i'w galluogi i gyflawni'r hyn sy'n bwysig iddynt.

Bydd gennych ymrwymiad cryf ac amlwg i ymagweddau sy'n seiliedig ar gryfder, ymroddiad i weithio mewn ffordd sy'n canolbwyntio ar ganlyniadau a diddordeb brwd yn eich datblygiad proffesiynol parhaus, gan ymdrechu am ragoriaeth.

Byddwch yn ymrwymedig i weithio mewn ffordd sy'n hyrwyddo cydraddoldeb a chynhwysiant i'n holl ddinasyddion.

Rhaid i chi gael gradd mewn Gwaith Cymdeithasol a bod wedi'ch cofrestru gy